বিধায়ক কালামৰ ভতিজাৰে বাল্য বিবাহ কাণ্ডৰ লগত জড়িত থকাৰ অভিযুক্ত কাজী মহিবুল হকৰ কথাৰে—

বিগত কিছু দিনৰ পৰা এই বিষয়টো লৈ বিভিন্ন মহলত চৰ্চা অব্যাহত আছে৷ এগৰাকী বিধায়কৰ ঘৰত বাল্য বিবাহ সংঘটিত হোৱা ঘটনাই আমাৰ দৰে সাধাৰণ মানুহক সচকিত কৰি তুলিছে৷

একাংশ বাতৰি কাকত আৰু ৱেব মেডিয়াত উক্ত বাল্য বিবাহৰ ঘটনাৰ লগত কাজী মহিবুল হক জৰিত থকা বুলি বাতৰি প্ৰকাশ হৈছিল৷ চৰকাৰী চাকৰিয়াল মহিবুল হকৰ বিৰুদ্ধেও বহুতে মন্তব্য আগবঢ়াইছিল৷ মইও এই সন্ধৰ্ভত প্ৰকাশ কৰা মন্তব্যত তেওঁক বাতৰি প্ৰসঙ্গত ধিক্কাৰ জনাইছিলো৷

কিন্তু যোৱা ২৪ এপ্ৰিল তাৰিখে কাজী মহিবুল হকে লিখিত ভাবে এনেদৰে উল্লেখ কৰে—‘‘যোৱা 6/04/2017 ইং তাৰিখত 41 নং ভৱানীপুৰ বিধানসভা সমষ্টিৰ বিধায়কৰ ভতিজাৰ বিবাহ ৰেজিষ্টাৰ কৰিবলৈ মোক মাতি নিয়ে৷ তেখেতৰ ঘৰত গৈ ছোৱালীজনীৰ ছাৰ্টিফিকেট দেখিলো, তাইৰ বয়স 18 বছৰ হোৱা নাই৷ গতিকে মই উক্ত বিবাহৰ কামত ৰেজিষ্টাৰ বা সামাজিক বিবাহ সম্পূৰ্ণ কৰা নাই৷ এই বিবাহ সূত্ৰে মোৰ নামত বাতৰি কাকত আৰু সংবাদ মাধ্যমত যি অভিযোগ প্ৰচাৰ কৰা হৈছে সকলো ভিত্তিহান৷’’

গতিকে যিবোৰ সংবাদ মাধ্যমে উক্ত বাল্য বিবাহৰ ঘটনাৰ লগত মহিবুল নামৰ কাজীগৰাকী জৰিত থকা বুলি বাতৰি প্ৰকাশ কৰিছিল তেওঁলোকে এই সন্ধৰ্ভত অধিক তথ্য সংগ্ৰহ কৰিব লাগিব বুলি মই ভাবো৷

উক্ত বাল্য বিবাহৰ সমগ্ৰ ঘটনাৰ উচ্চ পৰ্যায়ৰ তদন্ত হওঁক তাৰে আশা কৰিলো৷