10:28:00 PM
নিৰৱে শুই থাকে নিৰাপত্তাহীন চহৰে যেতিয়া এন্ধাৰে গ্ৰাস কৰে গলিবোৰ আৰু কৰুণ কণ্ঠে কুকুৰে বিনায় দূৰ-দূৰণীত অথবা খোজে খোজে যাযাবৰ পথিকৰ। তেতিয়াও; চহৰখনে শুই থাকে ক্ৰমশঃ ঘনীভূত আশংকাত ডুবি ডুবি।
কল্পনাৰ সাগৰত মৃত্যুদণ্ড হয় হাজাৰ অগ্নিশিখা।
অভিশপ্ত সময়ৰ কৰুণ প্ৰবাহ সংস্কাৰৰ ধুসৰ সপোন।
চহৰখনে কথা ক’ব নাজানে এন্ধাৰ গলিবোৰে মেৰুদণ্ড ভাঁজ লগাই শুই থাকে। গছকি যায় নিৰ্লজ্জ¸ অহংকাৰী জন গণ অধিনায়ক … শোষণ আৰু ফেচিবাদৰ ধ্বজাবাহকৰ দল¸ দিনৰ পোহৰে অনুজ্ঞাপত্ৰ বিতৰণ কৰে তেওঁৰ বুকু খান্দি চোবাই খাবলৈ কলিজা। তেতিয়াও চহৰখনে শুই থাকে …৷৷
অসমৰ প্ৰাক্তন মুখ্যমন্ত্রী তৰুণ গগৈয়ে জনজাগৰণ সভাত উপস্থিত থাকি প্রধানমন্ত্রী মােডী, মুখ্যমন্ত্রী সোনােৱাল আৰু একালৰ সতীর্থ হিমন্তক কঠোৰ ভাষাৰে সমালোচনা কৰে। স্বভাৱ সুলভ ভঙ্গিমাৰে প্রাক্তন মুখ্যমন্ত্রী গৰাকীয়ে নিজৰ বক্তব্যত কয় যে— বিজেপি নেতৃত্বাধীন অসম চৰকাৰে ৰাষ্ট্ৰীয় নাগৰিকপঞ্জীৰ পৰা ভাৰতীয় লোকৰ নাম কর্তন কৰাৰ অভিসন্ধি ৰচনা কৰিছে আৰু কংগ্ৰেছে শুভাৰম্ভ কৰা নাগৰিপঞ্জীৰ কাম মন্থৰ কৰি তুলিছে। তেওঁ লগতে কংগ্ৰেছৰ দিনত আৰম্ভ কৰা প্ৰতিটাে কামত ক’লা-বগা ৰহন সানিছে আৰু উদ্বোধন কৰি ৰাইজৰ বাহঃ বাহঃ লোৱাৰ অপচেষ্টা কৰিছে। বর্তমানৰ চৰকাৰৰ দিনত মাটিৰ খাজনা বৃদ্ধি পাইছে, অত্যাৱশ্যকীয় সামগ্ৰীৰ অশ্বাভাৱিক মূল্যবৃদ্ধি ঘটিছে, কর্মসংস্থাপন লোপ পাইছে, কৃষকে আত্মহত্যা কৰিব লগা হৈছে বুলি অভিযোগ উত্থাপন কৰাৰ লগতে বর্ষপূর্তি অনুষ্ঠানৰ নামত স্থানীয় বন্ধ ঘোষণা কৰা কার্যকে তেওঁ কঠোৰ সমালোচনা কৰে। তেওঁ লগতে নমামি ব্ৰহ্মপুত্ৰৰ নামত ৰাজভড়ালৰ ধনৰ অপব্যৱহাৰ কৰা বুলিও অভিযোগ উত্থাপন কৰে৷ ইয়াৰ সলনি এই ধন গৰাখহনীয়া প্ৰতিৰােধৰ ক্ষেত্ৰত ব্যৱহাৰ কৰিলে অধিক লাভালাভ হ’লহেঁতেন বুলি তেওঁ কয়। তৰুণ গগৈয়ে লগতে প্রশ্ন উত্থাপন কৰি কয় যে— দুনীতিৰ বিৰুদ্ধে শ্ল’গান দিয়া চৰকাৰে বৰ্ষপূর্তি অনুষ্ঠানৰ নামত কোটি কোটি টকা ক’ৰ পৰা ব্যয় কৰিলে সেই কথা ৰাজহুৱা কৰক। বিজেপিয়ে ইমান টকা গছৰ পৰা পায় নেকি বুলি তেওঁ কটাক্ষ কৰে। কংগ্রেছত থকাৰ সময়ত দুনীতি কৰা বুলি সমদল উলিওৱা নেতা বিজেপিত যোগদান কৰিলেই পবিত্ৰ হৈ যায় বুলি কৈ একালৰ সতীর্থ, বিত্ত, শিক্ষা-স্বাস্থ্য মন্ত্রী হিমন্ত বিশ্ব শর্মাক কঠোৰ ভাষাৰে সমালোচনা কৰে। ৰাজ্যৰ বর্ষীয়ান নেতা গৰাকীয়ে মহাত্মা গান্ধীক নাথুৰামৰ জড়িয়তে স্বাধীনতা সংগ্ৰামত কোনো অৱদান নথকা আৰ.এছ.এছে হত্যা কৰিছিল বুলি বিস্ফোৰক মন্তব্য আগবঢ়ায়। তেওঁ লগতে আৰ এছএছক সমালোচনা কৰি মুছলমানক ঘূণা কৰাজন প্রকৃত হিন্দু নহয় বুলিও মন্তব্য আগবঢ়ায়।
