নিৰু হোৱাৰ আখৰা কৰিছো

তুমি আৰু মই নিৰু হোৱাৰ আখৰা কৰিছো।
তেওঁলোকে আখৰা কৰিছে
তোমাক আৰু মোক উঘালি পেলোৱাৰ¸
তুমি আৰু মই ৰচিছো প্ৰেমৰ কবিতা উজাগৰে
তেওঁলোকে তোমাৰ আৰু মোৰ মাতৃৰ
সতিত্ব হৰণ কৰিছে জ্ঞাতসাৰে।
তেওঁলোকেই হত্যা কৰিছিল
পুনৰায় আখৰা কৰিছে
তথাপিও তুমি আৰু মই নষ্টালজিক হব বিচাৰিছো
তুমি আৰু মই নিৰু হোৱাৰ আখৰা কৰিছো।
বিবেক বিক্ৰী কৰিম কিদৰে
নিদ্ৰামগ্নৰ বজাৰত¸
কিন্তু
মেৰুদণ্ড এতিয়া শুই আছে
ৰাজপথবোৰ ৰৈ আছে
তেজৰ অপেক্ষাত
তথাপিও নিৰু হোৱাৰ আখৰা কৰিছো
তুমি আৰু মই।।